Ang Kinabuhi sa Ciudad sang Matam-is nga Yuhum


Bilang isa ka Negrénse nga naga-estar na sa Manila, indi ako makapuyos sa panumdum sa kinabuhi ko sang-una sa Ciudad sang Bacolod. Ang ini nga ciudad naga tener nga isa ka manami nga memoria sa akun tagipusu-on. Diri ako gintawo, nagkamaalam, nagdako kag una nga naghigugma. Kung lantawon natun, halos sa duha ka decada sang akun nga kabuhi, diri ko ginkabuhi sa ini nga Ciudad. Nakita mismo sang akun nga mga mata kung paano naglain ang akun nga tinubuang ciudad. Halos indi ko na makilal-an ang Bacolod sang akun nga pagkabata kag nasubong nga panahon.

Sang una, halos masadyahan na ko kung magakadto ko upod sang familia ko sa Gaisano Bacolod ukon magkaon sa isa sa isa ka bulan sa Shakey’s Goldenfield’s. Sang natukod ang Lopue’s East, daw halos naga-guha ang kalipay ko kung magalagaw kami sang familia ko didto kag maghampang sa daw isa ka jungle trail sa nababaw na plantas ka Lopue’s. Tanan namun nga mabag-o na kagamitan, didto guid guinbakal sa Lopue’s East. Kung kaadlawan ko, wala guid gakalipat ang familia ko na mag-celebrar sa McDonald’s Lacson, ang pinakauna nga McDo sa ciudad. Nadumduman ko pa ang taas nga slide na kung diin gahampang ako upod sang manghud ko. Sa paglantaw ko nga ini, nakita ko nga masadya kag kuntento sang una ang mga kasimanwa ko nga Bacoleño.

Apang sa subong nga panahon, daw halos lain na guid ang hitsura sang akun nga ciudad. Kung sang-una, mataas na ang dice-ocho ka plantas sang PNB nga lapit sa Capitolio Provincial, subong nagataas pa guid ang mga estructura sa Ciudad sang Bacolod. Kung sang-una Lopue’s lang kag Gaisano ang nabal-an sang mga kasimanwa ko, subong may Robinson’s na kag SM. Bati ko pa magapatindog pa guid ang Ayala sang ila nga mall sa malapit na panahon. Kung sang una contento pa ang mga tawo sa pag-tomar sang café sa mga kilid-kilid na cafehan, subong may Starbucks na pero naga-dominar giyapon ang Cafe Bobs nga simbolo ka local na pagkamaalam sa panabor Negrénse. Kung sang una daw mahuya man ako sang madaan kag mainit nga hulugpaan namun, subong, moderno na kag comparable sa iban ang bag-o namun na hulugpaan sa Ciudad sang Silay.

Sa paglantaw mo, ang imaje sang ginatawag na Batang Negros na simbolo ka kapigaduhon sa Ciudad sang Bacolod kag Provincia sang Negros Occidental nadula na. Nagabalik liwat ang imaje sang mga Edad Oro sang provincia na kung diin makasarang ang atun mga kasimanwa kabilang na ang mga haciendero sa pag-celebrar sang mga party o kun ano pa na pagtipon. Ini nga pagbag-o dulot sang pagka-innovador kag pagkamaalam sang mga kasimanwa ko nga Bacoleño kag Negrénse. Nagapangamuyo ako na maga-ulan pa ang gracia sang Ginoo sa labi pa na panahon. Ang himaya niya naga-sigue pa sa pagsanag sa Ciudad sang Matam-is nga Yuhum.

Advertisements

About Mark Mayo - Magallanes

MARK MAYO - MAGALLANES – blogger by passion, cook by hobby, student by life, theater actor by fate, writer by work, and Christian by grace. Part Filipino, Chinese and Spanish by blood, he is proudly 100% Negrénse. His love for his home Island of Negros, heritage and lifestyle has led him to write much about it and full-time, all-time. View all posts by Mark Mayo - Magallanes

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: